• Latest News

    Wednesday, July 18, 2018

    பழியை தீர்த்து தொடரை கைப்பற்றியது இங்கிலாந்து...!


    இந்திய அணிக்கு எதிரான மூன்றாவதும் இறுதியுமான போட்டியில் மொர்கன் மற்றும் ரூட்டுடைய துணையுடன் இங்கிலாந்து அணி 8  விக்கெட்டுக்களினால் அபார வெற்றியீட்டி தொடரை 2 : 1 என்ற கணக்கில் கைப்பற்றியதுடன் பழியையும் தீர்த்துக் கொண்டது.
    அந்த வகையில் இங்கிலாந்து மற்றும் இந்திய அணிகளுக்கிடையான முதலாவது போட்டியில் இந்திய அணி 8 விக்கெட்டுக்களினால் வெற்றி பெற்றது. இதனையடுத்து இடம்பெற்ற இரண்டாவது ஒருநாள் போட்டியில் இங்கிலாந்து அணி 86 ஓட்டங்களினால் வெற்றியீட்டியது.
    இந் நிலையில் தொடரானது 1 : 1 என்ற சம நிலையிலிருந்த நிலையில் தொடரின் வெற்றியை தீர்மானிக்கும் போட்டி இன்று இங்கிலாந்தின் ஹேடிங்லீட்ஸ் மைதானத்தில் ஆரம்பமானது. 
    போட்டியில் நாணய  சுழற்சியில் வெற்றியீட்டிய இங்கிலாந்து அணி இந்திய அணியை முதலில் துடுப்பெடுத்தாட பணித்தது இதற்கிணங்க துடுப்பெடுத்தாடிய இந்திய அணி நிர்ணயிக்கப்பட்ட 50 ஓவர்களின் முடிவில் 8 விக்கெட்டுக்களை இழந்து 256 ஓட்டங்களை பெற்றது.
    இதனையடுத்து 257 என்ற வெற்றி இலக்குடன் களமிறங்கிய இங்கிலாந்து அணியின் ஆரம்ப துடுப்பாட்ட வீரர்களான ஜேம்ஸ் வின்ஸ் மற்றும் ஜோனி பிரிஸ்டோ ஜோடி இந்திய அணியின் பந்து வீச்சுக்களை துவம்சம் செய்ய ஆரம்பித்தது.
    அதற்கிணங்க இந்திய அணியின் பந்து வீச்சாளர்களை வெளுத்து வாங்கிய பிரிஸ்டோ 13 பந்துகளில் அதிரடியாக துடுப்பெடுத்தாடி 7 நான்கு ஓட்டங்கள் அடங்களாக 30 ஓட்டங்கள‍ை பெற்றிருந்த வேளை 4.4 ஓவர்களில் சர்துல் தாக்கூருடைய பந்து வீச்சில் ரய்னாவிடம் பிடிகொடுத்து ஆட்டமிழந்து வெளியேறி இந்திய அணிக்கு நிம்மதியளித்தார்.
    இருப்பினும் அந்த நிம்மதி நீண்ட நேரம் நிலைக்கவில்லை. காரணம் அடுத்து ஜேம்ஸ் வின்ஸும் ரூட்டும் இணைந்து இந்திய அணி பந்து வீச்சாளர்களின் பந்தினை பதம் பார்த்தனர். இதனால் இங்கிலாந்து அணியின் ஓட்ட எண்ணிக்கை வேகமாக குவிய ஆரம்பித்தது.
    ஒரு கட்டத்தில் இங்கிலாந்து அணி 9.1 பந்தில் 74 ஓட்டங்களை பெற்றிருந்த வேளை தோனி ஒரு கைகளை மாத்திரம் பயன்படுத்தி அபாரமான முறையில் ஜேம்ஸ் வின்ஸை 27 ஓட்டங்களுடன் ஆட்டமிழக்க வைத்தார். அதன் பின்னர் அணித் தலைவர் மொர்கன் களமிறங்கினார். 
    • Blogger Comments
    • Facebook Comments

    0 comments:

    Post a Comment

    Item Reviewed: பழியை தீர்த்து தொடரை கைப்பற்றியது இங்கிலாந்து...! Rating: 5 Reviewed By: Muslim Vaanoli
    Scroll to Top