Ticker

6/recent/ticker-posts

Header Ads Widget

தனி­யாக உலகை சுற்­றி­வந்த 17 வயது விமானி...!

 

17 வய­தான ‍மெக் ரதர்போர்ட், உலகை தனி­யாக விமா­னத்தில் சுற்­றி­வந்த மிக இளம் விமானி எனும் சாத­னையைப் படைத்­துள்ளார்.

பெல்­ஜிய, பிரித்­தா­னி­ய­ரான மெக் ரதர் போர்ட். சிறிய விமா­ன­மொன்றில் 5 மாதங்­களில் உலகை சுற்­றி­வந்­துள்ளார்.

இப்­ப­ய­ணத்தை கடந்த மார்ச் 23 ஆம் திகதி பல்­கே­ரி­யா­வி­லி­ருந்து மெக் ரதர்போர்ட் ஆரம்­பித்தார். நேற்­று­முன்­தினம் (24) பல்­கே­ரி­யாவின் சோபியா நகரை அவர் வந்­த­டைதன் மூலம் தனது பய­ணத்தை பூர்த்தி செய்தார்.



இப்­ப­ய­ணத்­தின்­போது 5 கண்­டங்­களைச் சேர்ந்த 52 நாடு­க­ளுக்கு ஊடாக அவர் பயணம் செய்தார்.

கின்னஸ் சாதனை நூல் வெளி­யீட்­டா­ளர்கள் இச்­சா­த­னைக்­காக வகுத்த விதி­க­ளின்­படி, இப்­ப­ய­ணத்­தின்­போது பூமத்­திய ரேகையை அவர் இரு தட­வைகள் கடந்தார்.

ஸ்லோவாக்­கி­யாவின் ஷார்க் ஏரோ நிறு­வ­னத்­தினால் தயா­ரிக்­கப்­பட்ட ஷார்க் அல்ட்ரா லைட் விமா­னத்தை மெக் பயன்­ப­டுத்­தினார்.

தனி­யாக உலகை விமா­னத்தில் சுற்­றி­வந்த உலகின் மிக இளம் விமானி என கின்னஸ் சாதனை நூல் வெளி­யீட்­டா­ளர்கள் அவரை அங்­கீ­க­ரித்­துள்­ளனர்.

மெக் ரதர்­போர்ட்­டுக்கு முன்னர் பிரிட்­டனைச் சேர்ந்த ட்ராவிஸ் லட்லோவ், கடந்த வருடம் 18 வயதில் தனி­யாக உலகை சுற்­றி­வந்த மிக இளம் விமானி என்ற சாத­னைக்­கு­ரி­ய­வ­ராக விளங்­கினார்.

அதே­வேளை, தனி­யாக உலகை சுற்­றி­வந்த மிக இளம் பெண் எனும் சாத­னையை கடந்த ஜன­வரி மாதம் 19 ஆவது வயதில் ஸாரா ரதர்போர்ட் படைத்­தி­ருந்தார். மெக் ரதர்­போர்ட்டின் மூத்த சகோ­த­ரிதான் ஸாரா ரதர் போர்ட் என்­பது குறிப்­பி­டத்­தக்­கது.



ஸாரா, மெக் ஆகி­யோரின் தந்தை சாம் ரதர்போர்ட் பிரிட்­டனைச் சேர்ந்த தொழிற்சார் விமானி ஆவார். இவர்­களின் தாய் பெல்­ஜி­யத்தைச் சேர்ந்த பியட்ரிஸ் டி ஸ்மெட், பொழு­து­போக்கு விமா­னியும் சட்­டத்­த­ர­ணியும் ஆவார்.

2020 ஆம் ஆண்டு தனது 15 வயதில் விமானி அனு­ம­திப்­பத்­தி­ரத்தை மெக் ரதர்போர்ட் பெற்­றுக்­கொண்டார். அப்­போது உலகின் மிக இளம் விமா­னி­யாக அவர் விளங்­கி­யமை குறிப்­பி­டத்­தக்­கது.

உலகை தனி­யாக சுற்றும் பய­ணத்­தின்­போதே தனது 17 ஆவது பிறந்த தினத்தை மெக் ரதர்போர்ட் கொண்­டா­டினார்.

'தமது சமூ­கத்­துக்கோ ஏன் உல­குக்கோ மாற்­றத்தை ஏற்­ப­டுத்­தக்­கூ­டிய வியக்­கத்­தக்க செயல்களை செய்த இளையோரை இப்பயணத்தின்போது சந்திப்பதற்கு நான் விரும்புகிறேன்' என தனது பயணத்தை ஆரம்பிப்பதற்கு முன்னர் மெக் ரதர்போர்ட் தெரிவித்திருந்தார்.

எங்களது குரூப்பில் இணைந்து உலகில் இடம் பெறுகின்ற முக்கியச் செய்திகளை நம்பகத்தன்மையுடன் அறிந்து கொள்ளுங்கள்...

Post a Comment

0 Comments